مش عيب عليك كدا برده ...!!

اوعى تقولى العيب ف الجيب والجيب مخروم
الكمبو شغال ازاى ؟؟؟؟؟؟؟
طبعا مش قصدى انك مش عارف بس عاوزك تخش التوبك وخلاص وكتير عارفين الكمبو شغال ازاى
طبعا ماسكه طحن من اول اليوم مبترحموش... بس حاولت مره تعرف ازاى هو شغال؟؟؟؟؟
يمكن ترحمه وتعذره
ف الاول افش شويه بس بعد كدا هنهزر
انت بس تدوس ع الزر وهو يشتغل ويزمر تيت ويشتغل علطووووووول
بص يا سيدى وركز معايا هنقول احلى كلام
اول ما انت تدوس ع زرار التشغيل يروح عم الباور سبلاى اللى جوا الكيسه
يشتغل وياخد كهربة الشقه بتاعة حضرتك 220 فولت ويحولها 5 فولت عشان الكمبو
مبيشتغلش الا على 5 واحيانا توصل اقصاها 12 فولت وبكدا يكون الكمبو ككل متوصل ببعضه كهربيا
او بمعنى ادق الكترونيا طب اوكى كلهم اتوصلوا ببعض بعدين يعنى ....ازاى هيتفاهموا مع بعض عشان يشغلولك الوندوز بتاعك
البومبو الكبير معلم القعده (البروسيسور) ف اول لحظات التشغيل يبعت مسج (اشاره) للبيوس
BIOS
وهو اختصار لـــــ
Basic Input Output System
نظام الادخال والاخراج الاساسى
وهو برنامج عباره عن كود برمجى متخزن على شيب الكترونيه روم
ROM
وهى اختصار لـــــ
Read Only Memory
معظم الناس بيطلقوا عليها البيوس عشان اسم البرنامج المتخزن عليها اسمه بيوس
وهتلاقيها ف اغلب الاوقات على ايدك اليمين وانت داخل الكيسه تحت شويه
ووظيفة البرنامج دا هو التحكم بكل القطع الالكترونيه المتوصله بالبروسيسور او بمعنى اصح ف الكمبيوتر من كرت شاشه
وكرت صوت وكرت شبكه وهارد وسى دى روم وماوس وكيبورد كله كله الحفله كلها وتقدر تخش عليه
لما بتدوس ديليت والكمبو بيفتح شاشه زرقا كدا اكيد شفتوها
ومتخزن عليه كمان كود برمجى مهم جدا جدا وليه دور اساسى ف الليله ديه
المازر بورد والهارد بيلاغو بعض
الشريحه اللى قولنا عليها ديه اللى ع المازربورد تبعت رساله للهارد عن طريق كابل الداتا اكيد عارفينو

مش عيب عليك كدا برده ...!! 18136l10

قصة حب
تقوله يا حبيب قلبى عندك وندوز؟؟؟؟
الهارد بيتقل عليها : اصطبحنا.... ايوا يا طنط
المازربورد : انا بس كنت عاوزه اعرف عندك وندوز
لو انت مش منزل نسخه
الهارد : لالالالا سبينى انام بقى
لو انت غتيت ومنزل
الهارد: هوووووف ايوا فيه يادى ام الخنقه
طبعا الهارد لما بيتسأل السؤال دا بيبقى اصعب سؤال عليه لانه بيروح يدور ف اول 512 بايت متخزنين عليه
مساحه صغيره جدن جدن ف اول الهارد وعشان كدا لو جه فيها باد سيكتور(حاجه كدا بتبوظ الهارد بتطير من مساحته)
ف المنطقه ديه كل سنه وانت طيب ...ولع ف الهارد هههههه لالالا هتستخدمه نقال بس بس مش هينفع ينزل عليه وندوز
نرجع تانى
وطبعا الهارد كل ما يتقل عليها هى تحبه اكتر ههههههههه
المازربورد : طب ممكن تقولى هو متخزن فين عندك عشان اروح اجيبه
الهارد : متخزن ع الزفت اللى اسمه السى (البارتشن السى يعنى)
المازربورد تروح وتجيب اول الخيط ف االوندوز
المازربورد : ميرسى على زوقك يا عثل
الهارد ف سره : موزه جدن بس طبعا عامل مكشر ههههههههه
وتروح مسلمه الخيط دا للبرنس (البروسيسور)
الوندوز ماهو الا عن اكواد برمجيه مكتوبه انجليزى عادى بس مش مفهومه لاى حد الا المختصين ف علم هندسة البرمجيات
وهو اسمه كدا عشان بيظهر قصادك نافذه ويندو يعنى بالانجليزى عشان الاول كان فيه حاجه اسمها دوس
كان هو دا الوندوز بتاع زمان شاشه خير اللهم اجعله خير اسود ف اسود وعليك انت تتعلم التعامل معاه الاول عشان تقعد على كمبيوتر
انما دلوقتى كله شغال لو جبت طفل هيعرف يقعد ع الكمبيوتر والدوس دا كان مايقرب من ربع مليون 250000 سطر برمجى
حاجه وهم يعنى فمابالك بالوندوز ااقل واجب على حسب توقعى ممكن يعدى 2 مليون سطر برمجى ومش مهم عدد الاسطر تماما
المشكله ف الصعوبه الرهيبه جدا ومدى التفكير الطحن ازاى هتخلى البلاستيك (الشرائح الالكترونيه) ديه تتكلم مع بعض كانها بظبط بتتكلم حقيقى وازاى البنى ادم اللى هيقعد دا
ننفذله اللى هو عاوزه اول ما يدوس مثلا بالماوس او يكتب حاجه بالكيبورد عاوزها وطبعا الاكواد ديه بتتقسم على ملفات كتيييير اوى
كل ملف بيقوم بمهمه معينه وهتلاقى الملفات ديه معظمها (مش كلها) ف الفولدر اللى اسمه
System32
الموجود ف فولدر
Windows
ف البارتشن اللى انت منزل عليه النسخه وغالبا السى عند معظمنا
نرجع تانى
قصة حب بس ديه حب جامد
البروسيسور يمسك بداية الخيط بتاع الوندوز وينادى ع الوزه بتاعته هو كمان الرام
RAM
اختصار لـــــــ
Random Access Memory
دوووول بقى دويتو ملوش حل من اول ما تفتحلهم ام الجهاز
وهما مبيبطلوش لوك لوك ولو الكل سكت دووووول استحاله
الدقيقه عندهم ببلاش والزبون اللى قاعد هو اللى هيحاسب اخر الشهر
البروسيسور يروح يجيب اول سطر ف الوندوز وينادى
"يا كوته يا بنت حلويات"
الرام : ايوا يا حوبى جايه اهو
البروسيسور : امسكى الواد دا مسمريه هنا وعلى الله يفلت منك
الرام : يفلت ال يفلت تبقى ليلته طين يجرب هو بس وهيشوف
ويروح البروسيسور لالعبله 100 ضغط ويقوم يمسكه يفرمه
دب بوم م م م م م طخ خ خ خ ااااااااه
البرسيسور للموزه : خلاص كدا هو اتعشى هروح اجيب الجثه التانيه واجى
الرام : ماشى وانا مستنيه اهه اما نشوف اخرتها معاهم ولاد ابو اسماعيل دوووووول
ولاد ابو اسماعيل اللى هما السطور البرمجيه اللى ف الوندوز
وعلى كدا مع 2 مليون واد (سطر)
وطبعا دا بيتنفذ كله كله وهو الكمبيوتر ف فترة التحميل
اللى هى الشرط الزرقا الصغيره اللى بتشوفوها وهى بتجرى ورا بعضها ف فترة التحميل
وبعدها يشتغل الوندوز بس كدا
شوفت الحكايه بسيطه ازاى
الكلام دا ساينس جدن بس طبعا بالعاميه الطحنه جدن وتيكاواى مش تفصيل
وبعد ما يشتغل الوندوز صدقونى البروسيسور بيموت ضرب مننا
وكله على دماغ وزته (الرام) هههههههه واخر ما بيزهق مننا
رجليه بتوجعه من كتر ما هو رايح جى فبيقعد وينفض ويقولك هى كدا مش طالباك بقى فوكك مننا
روح ربنا يعمر بيتك ههههههههه(لما بيهنج)
سلاحف يا احلى لمضين
وتتر النهايه ينزل ويعرض ابطال الفلم
الرام طيبه جدن

مش عيب عليك كدا برده ...!! 18137l10

البروسيسور شقى جدن جدن

مش عيب عليك كدا برده ...!! 18138l10

الهارد صعب اوى مبيتفهمش حتى باين من اسمه

مش عيب عليك كدا برده ...!! 18139l10

المازربورد طيبه وبتحب بس البعيد مبيحسش

مش عيب عليك كدا برده ...!! 18140l10

تسلم ايدك يا مااااااااااااااااااااان

شكرا يا اسامة على المرور الطيب سلمت يداااااااااااااااااك Laughing